Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 184 Hüküm no: 131 Orijinal metin no: [20a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nafaka bırakmadan kocası kaybolan Havvâ bt. Selim’e hâkimin nafaka takdir ettiği Mahmiye-i Kostantıniyye mahallâtından Kirmasti mahallesinde sâkine olan Havvâ bt. Selim nâm hâtun meclis-i şerî‘at-i şerîfe-i garrâ ve mahfil-i tarîkat-i münîfe-i zehrâya gelip zamânında vilâyet-i Mısr-ı Kāhire’de kādı olup bundan akdem gāib olan Ali Efendi b. İbrahim nâm zevcinin kendisine nafaka cinsinden bir şey komadığına veya irsâl etmediğine dâir yemîn ettiğinde hâkim-i muvakkı‘ a‘lâhu el-mutevakkı‘ rızâi mevlâhu dâme mecdühû ve alâhu, mezbûre Havvâ’nın ve Âişe bt. Ali Efendi nâm sagīre kızının ve câriyesinin nafakası, kisvesi ve sâir havâic-i zarûriyeleri için zeyl-i kitâbda mezkûr tarihden itibaren zevc-i gāibi üzerine, altı akçesi mezbûre Havvâ hâtuna, dört akçesi mezbûre Âişe’ye, iki akçesi de câriye-i mezkûreye verilmek üzere yevmî râyicü’l-vakt on iki akçe farz ve takdîr etti ve meblağ-ı mefrûz-ı mezbûru sarf etmeye ve vakt-i hâcetde istidâne edip vakt-i zaferde gāib-i mezbûra rücû‘ etmeye mesfûre Havvâ’ya izin verdi. Cerâ zâlike ve hurrire fi’l-yevmi’l-hâmis ve’l-ışrîn min-şehri Ramazâni’l-mübârek li-sene seb‘a ve sittîn ve elf. Şühûdü’l-hâl: Mustafa Efendi el-Kâtib, diğer Mustafa Efendi el-Kâtib, Ca‘fer Çelebi b. Abdullah, İsmail Çelebi b. Yunus, Osman Beşe çukadâr, Ali Bey er-râcil, Mehmed Çelebi b. Haydar ve gayrühüm