Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 202 Hüküm no: 155 Orijinal metin no: [22b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Bey b. Halil’in Opar kazasındaki mülk bağını Nasuh b. İsa’ya sattığı Vilâyet-i Rumeli’nde Opar kazâsına tâbi‘ Nikar[i] nâm karye sükkânından İbrahim Bey b. Halil mahfil-i kazâda işbu bâ‘isü’l-kitâb Nasûh b. İsa nâm kimesne mahzarında ikrâr ve takrîr-i kelâm edip karye-i mezbûre sınırında İstarize nâm mevzi‘de vâki‘ bir tarafdan Mustafa b. Şa‘ban bağına ve bir tarafdan Hasan b. Abdullah bağına ve iki tarafdan müşterî-i mezbûr Nasûh bağına müntehî birbirine mülâsık bir çapalık üç kıt‘a mülk bağımı bi-cümleti’t-tevâbi‘ ve’l-levâhık ve kâffeti’l-menâfi‘ ve’l-merâfık üç yüz nakd râyic fi’l-vakt akçeye mezbûr Nasûh’a tarafeynden îcâb ve kabûlü hâvî bey‘-i bâtt-ı sahîh-i şer‘î ile bey‘ ol dahi iştirâ ve kabûl eyledikden sonra meblağ-ı mezbûr üç yüz akçemi müşterî-i mezbûr Nasûh yedinden tamâmen ahz u kabz edip mahallinde zabt u tasarrufa mezbûr Nasûh’u taslît eyledim dedikde gıbbe’t-tasdîkı’l-mu‘teber mâ-vaka‘a bi’t-taleb ketb olundu. Tahrîren fi’l-yevmi’s-sâdis min-Şevvâli’l-mükerrem li-sene seb‘a ve sittîn ve elf. Şühûdü’l-hâl: Osman Beşe b. Ali, İlyas Beşe b. Ali, Ali Bey b. Ramazan, Hasan b. Abdullah, Kurd b. Durmuş, Osman Beşe çukadâr, el-Hâc Ca‘fer b. Abdullah, İsa Bey b. Ahmed ve gayruhüm mine’l-[hâzırîn.]