Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 221 Hüküm no: 178 Orijinal metin no: [26a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtma bt. Ahmed’in muhalaa yoluyla kocası İsmail Bey b. Veli’den boşandığı (Muhâla‘a) Mahmiye-i İstanbul’da Zincirlikuyu kurbünde Handan Ağa mahallesinde sâkine Fâtıma bt. Ahmed nâm hâtun meclis-i şer‘-i hatîr-i lâzimü’t-tevkīrde zevc-i dâhil-bihâsı işbu sâhibü’l-kitâb İsmail Bey b. Veli nâm bevvâb-ı sultânî mahzarında ikrâr ve takrîr-i kelâm edip zevcim mezbûr İsmail Bey zimmetinde mütekarrir ve ma‘kūdün-aleyh olan bin akçe mehr-i müeccelim ve nafaka-i iddet-i ma‘lûmem ve meûnet-i süknâm kendi üzerime olup mezbûr İsmail Bey dahi benim yedimde olan ikişer yüz akçe kıymetli iki yemeni yorganı benden taleb ve da‘vâ etmemek üzere merkūm İsmail Bey ile muhâla‘a-i sahîha-i şer‘iyye [ile] muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika olan cemî‘ de‘âvî ve husûmâtdan herbirimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde mukırre-i mezbûre Fâtıma’yı kelimât-ı meşrûhasında mezkûr İsmail Bey bi’l-müvâcehe tahkīk ve bi’l-müşâfehe tasdîk edicek mâ-vaka‘a bi’t-taleb ketb olundu. Fi’l-yevmi’s-sâbi‘ min-Şevvâli’l-mükerrem li-sene seb‘a ve sittîn ve elf. Şühûdü’l-hâl: Salih Efendi el-kâtib, Mehmed Halîfe el-müezzin, Mustafa Çelebi b. Muharrem, Salih Mehmed Çelebi b. Musa Efendi ve gayruhüm mine’l-[hâzırîn.]