Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 242 Hüküm no: 199 Orijinal metin no: [29a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sâliha bt. Abdullah’ın kocası Mehmed b. Mustafa’dan boşandığı (Muhâla‘a) Mahmiye-i İstanbul’da Süleymaniye mahallesinde sâkine Sâliha bt. Abdullah nâm hâtun meclis-i şer‘-i hatîrde zevci işbu bâ‘isü’r-rakīm Mehmed b. Mustafa mahzarında ikrâr ve takrîr-i kelâm edip zevcim mezbûr zimmetinde mütekarrır ve ma‘kūdün-aleyh olan iki bin akçe mehr-i müeccelimin bin akçesini ve nafaka-i iddetim için dahi üç yüz akçe ki cem‘an bin üç yüz akçesini zevcim mezbûr yedinden ahz u kabz eyledikden sonra mehr-i müeccelimden zevcim mezbûr Mehmed zimmetinde bâkī kalan bin akçe mehr-i müeccelim üzerine zevcim merkūm Mehmed ile muhâla‘a-i sahîha-i şer‘ iyye ile muhâla‘a edip ol dahi vech-i muharrer üzere hul‘-ı mezbûru kabûl eyledikden sonra zevciyyete ve gayra müte‘allika cemî‘ de‘âvî ve mutâlebât ve eymân ve muhâsamâtdan herbirimiz âharın zimmetini ibrâ-i âmm-ı kātı‘u’n-nizâ‘la ibrâ ve ıskāt eyledik dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâlis aşer min-Şevvâli’l-mükerrem li-sene seb‘a ve sittîn ve elf. Şühûdü’l-hâl: Salih Efendi b. Salih, Mustafa Efendi b. Muharrem, İsa Bey b. Ahmed, el-Hâc Ca‘fer b. Abdullah, Mehmed Çelebi b. Haydar ve gayruhüm mine’l-[hâzırîn.]