Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 248 Hüküm no: 206 Orijinal metin no: [30a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim Beşe b. Ali’nin Meyhaneci Hıristodori v. Todori’de iki yüz guruş alacağı olduğu Dergâh-ı [âlî] dâme merci‘an bi’l-e‘âlî yeniçerilerinin yetmiş dördüncü cemâ‘at odasına mahsûs oda ahâlîsinden işbu bâ‘isü’l-vesîka İbrahim Beşe b. Ali nâm râcil meclis-i şer‘-i hatîrde meyhâneci tâifesinden Hıristodor[i] v. Todori nâm zimmî muvâcehesinde üzerine da‘vâ ve takrîr-i kelâm edip mezbûr Hıristodori zimmetinde cihet-i karz-ı şer‘îden iki yüz kıt‘a riyâlî guruş hakkım olup hâlâ taleb [30b] eylediğimde edâdan imtinâ‘ eder suâl olunup alıverilmesi matlûbumdur gıbbe’s-suâl merkūm Hıristodori cevâbında fi’l-vâki‘ müdde‘î-i mezbûr İbrahim Beşe’ye cihet-i karz-ı şer‘îden zimmetimde meblağ-ı mezbûr iki yüz kıt‘a riyâlî guruş deynim vardır deyu ikrâr ve i‘tirâf etmeğin i‘tirâfı mûcebince meblağ-ı mezbûr iki yüz riyâlî guruşu müdde‘î-i mezbûr İbrahim Beşe’ye edâya merkūm Hıristodori’ye tenbîh olunup mâ-hüve’l-vâki‘ bi’t-taleb ketb olundu. Fi’l-yevmi’s-sâlis aşer min-Şevvâli’l-mükerrem li-sene seb‘a ve sittîn ve elf. Şühûdü’l-hâl: Mehmed b. Ramazan, Osman Beşe çukadâr, Mustafa Efendi b. Muharrem, Mehmed b. Haydar ve gayruhüm mine’l-[hâzırîn.]