Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 300 Hüküm no: 265 Orijinal metin no: [38b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Hesib v. Mardros’un babasının Hasref v. Kirkor’a olan borcuna kefil olduğu Mahmiye-i İstanbul’da Lanka’da sâkin olup derzi tâifesinden olan Hesib v. Mardros nâm [zimmî] meclis-i şer‘-i şerîf-i enver ve mahfil-i dîn-i münîf-i ezherde işbu bâ‘isü’s-sifr tüccâr tâifesinden Hasref v. Kirkor nâm Ermeni muvâcehesinde bi’t-tav‘i’s-sâf ikrâr ve takrîr-i kelâm edip mezbûr Hasref’in Acem metâ‘ı semeninden babam mezbûr Mardros zimmetinde hakkı olan yüz yetmiş beş riyâlî guruş ile üç rub‘ guruş hakkına ben emr ve kabûlü hâviye kefâlet-i sahîha-i şer‘iyye [ile] kefîl oldum dedikde vâki‘-i hâl hıfzen li’l-mekāl bi’t-taleb ketb olundu. Fi’l-yevmi’s-sânî ve’l-ışrîn min-Şevvâli’l-mükerrem li-sene seb‘a ve sittîn ve elf. Şühûdü’l-hâl: İsmail b. Yunus, İbrahim Bey b. Ömer, Mustafa Efendi b. Muharrem. İsa Bey b. Ahmed, Mehmed Çelebi b. Haydar, Osman Beşe çukadâr ve gayruhüm mine’l-[hâzırîn.]