Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 313 Hüküm no: 284 Orijinal metin no: [41a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hayatî bt. Abdullah’ın Rus asıllı cariyesi Peymane’yi azat ettiği Mahmiye-i İstanbul’da Gül Câmi‘i kurbünde Molla Hüsrev mahallesinde sâkine Hayatî Hâtun bt. Abdullah meclis-i şer‘-i hatîr-i lâzimü’t-tevkīrde bi-tav‘ihâ ikrâr ve i‘tirâf edip zikri âtî ıtâkın sudûruna değin silk-i mülkümde muntazam yedimde mülk ve hakkım olan işbu açık kaşlı orta boylu ak benizli sağ gözünde hicrânı olan Rusiyyetü’l-asl Peymâne bt. Abdullah nâm memlûke câriyemi hasbeten lillâhi’l-aliyyi’l-azîm ve taleben li-merzâti’r-rabbi’r-rahîm malımdan i‘tâk ve tahrîr edip sâir harâir-i asliyyâta ilhâk ve idrâc eyledim ba‘de’l-yevm mezkûre Peymâne sâir harâir-i asliyyât gibi hürredir üzerinde sâir mevâlînin utekāsı üzerine olan hakk-ı velâdan gayrı hakkım kalmadı dedikde mâ-hüve’l-vâki‘ bi’t-taleb ketb olundu. Fi’l-yevmi’s-sâlis ve’l-ışrîn min-Şevvâli’l-mükerrem li-sene seb‘a ve sittîn ve elf. Şühûdü’l-hâl: es-Sâbıkūn.