Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 314 Hüküm no: 285 Orijinal metin no: [41a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hayatî Hatun bt. Abdullah’ın bir kürkünü azatlı cariyesi Belkıs bt. Abdullah’a hibe ettiği Mahmiye-i İstanbul’da Gül Câmi‘i kurbünde Molla Hüsrev mahallesinde sâkine Hayatî Hâtun bt. Abdullah mu‘tekası olan işbu râfi‘atü’l-kitâb Belkıs bt. Abdullah nâm hâtun mahzarında bi-tav‘ihâ ikrâr ve i‘tirâf edip silk-i mülk-i sahîhimde münselik emlâkimden benefş çuka kaplı bir semmûr zamâne kürkümü mezkûre Belkıs Hâtun’a hibe-i sahîha-i şer‘iyye ile hibe ve temlîk ve teslîm eyledim ol dahi zikrolunan kürkü meclis-i hibede ittihâb ve kabz ve tesellüm eyledi ba‘de’l-yevm zikrolunan semmûr kürk mezkûre Belkıs’ın mülk-i mevhûbudur dedikde mukırr-ı mezkûre Hayati Hâtun’u vech-i muharrer üzere cârî ve sâdır olan ikrârında el-mukarru lehâ’l-mezkûre Belkıs Hâtun vicâhen tasdîk ve şifâhen tahkīk edicek mâ-hüve’l-vâki‘ bi’t-taleb ketb olundu. Tahrîren fi’l-yevmi’l-hâmis ve’l-ışrîn min-Şevvâli’l-mükerrem li-sene seb‘a ve sittîn ve elf. Şühûdü’l-hâl: es-Sâbıkūn.