Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 334 Hüküm no: 311 Orijinal metin no: [44a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hakimin Şehzede bt. Kaprel adlı küçük kıza nafaka takdir ettiği Hâkim-i muvakkı‘ a‘lâhu el-mütevakkı‘ rızâi rabbihî mevlâhu, Şehzede bt. Kaprel nâm sagīrenin nafakası, kisvesi ve sâir havâic-i zarûriyesi için mahmiye-i Kostantıniyye mahallâtından Dülbendçi Hüsâm mahallesinde sâkin iken bundan akdem fevt olan Kapril nâm babasından ve annesinden irs-i şer‘le kendisine intikal eden emvâlden alınmak üzere zeylde mezkûr tarihden itibaren Gülbahar bt. Külhânî nâm ceddesi ve hâdinesinin talebiyle yevmî râyicü’l-vakt beş akçe farz ve takdîr etti. Hâkim-i mûmâ-ileyh sonra meblağ-ı mefrûz-i mezbûru sagīre-i merkūmenin havâicine sarf etmeye ve vakt-i hâcetde istidâne edip vakt-i zaferde rücû‘ etmeye mezkûre Gülbahar nâm hâtuna izin verdi. Cerâ zâlike ve hurrire fi’l-yevmi’s-sânî ve’l-ışrîn min-Şevvâli’l-mükerrem li-sene seb‘a ve sittîn ve elf. Şühûdü’l-hâl: Salih Efendi, Osman Beşe, Ali Bey, Ca‘fer Bey ve gayrühüm