Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 349 Hüküm no: 332 Orijinal metin no: [47a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin Mehmed Çelebi adlı çocuğa nafaka takdir ettiği Hâkim-i muvakkı‘ a‘lâhu, hâl-i hayâtında mahmiye-i Kostantıniyye mahallâtından Emin Nureddin mahallesinde sâkin iken cezîre-i Girid’de vefât eden Hızır Subaşı b. Abdülmennân’ın Mehmed Çelebi nâm sagīr oğlunun ve Şahbaz bt. Abdullah nâm câriye-i memlûkesinin nafakası, kisvesi ve sâir havâic-i zarûriyesi için müteveffâ-i mezbûr babasından irs-i şer‘le intikal eden emvâlden alınmak üzere, hacri ve terbiyesi altında bulunduğu Belkıs Hâtun bt. Abdülmennan nâm annesinin talebiyle, zeyilde mezkûr tarihden itibaren yevmî on akçe farz ve takdîr etti. Hâkim-i mûmâ-ileyh sonra meblağ-ı mefrûz-i mezbûru sagīr-i merkūmun havâicine sarf etmeye ve vakt-i hâcetde istidâne edip vakt-i zaferde rücû‘ etmeye mezkûre Belkıs Hâtun’a izin verdi. Cerâ zâlike ve hurrire fî-gurreti Zilka‘deti’ş-şerîfe li-sene seb‘a ve sittîn ve elf. Şühûdü’l-hâl: Osman Beşe b. Abdullah, Mehmed Beşe vekîl-harc, Hasan Çelebi b. ( ), Mehmed Beşe b. Ahmed, Ali Beşe b. Ahmed, el-Hâc Mehmed b. Abdurrahman