Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 349 Hüküm no: 333 Orijinal metin no: [47a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin vasî üzerine denetleyici olarak nâzır atadığı Hâkim-i muvakkı‘ a‘lâhu, mahmiye-i Kostantıniyye mahallâtından Emin Nureddin mahallesinde sâkin olan Ahmed Beşe b. Mehmed nâm kimseyi, hâl-i hayâtında mahmiye-i Kostantıniyye mahallâtından Emin Nureddin mahallesinde sâkin iken cezîre-i Girid’de vefât eden Hızır Subaşı b. Abdülmennân’ın Mehmed Çelebi nâm sagīr oğlunun tesviye-i umûru ve müteveffâ-i mezbûr babasından irs-i şer‘le intikal eden emvâlinin zabtı için kıbel-i şer‘den vasî nasbedilen el-Hâc Muhyiddin mahallesi sükkânından Ahmed Beşe b. Bâli nâm kimse üzerine nâzır-ı hasbî nasbetti. Vasiyy-i merkūm bu sûretle umûr-i vesâyet-i mezkûreye nâzır-ı merkūmun re’yi olmadan mübâşeret etmeyecektir. Mezbûr Ahmed Beşe dahî nezâret-i mesfûreyi kabûl edip hizmet-i lâzimeyi edâyı iltizâm eyledi. Cerâ zâlike ve hurrire fî-gurreti Zilka‘deti’ş-şerîfe sene 1067. Şühûdü’l-hâl: es-Sâbikūn