Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 490 Hüküm no: 500 Orijinal metin no: [73b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Safiye Hatun bt. Abdullah’ın bey‘ bi’l-istiğlâl yoluyla Belkıs Hatun bt. Abdullah’dan ödünç aldığı Mahmiye-i Kostantıniyye mahallâtından Ali Paşa-i atîk mahallesinde sâkine olan Hâcce Safiye Hâtun bt. Abdullah nâm hâtun meclis-i şer‘-i şerîf ve mahfil-i dîn-i münîfe hâzıra olup işbu akdin kendisinden sudûruna kadar mâliki olduğu ve taht-ı tasarrufunda bulundurduğu, mahalle-i mezbûrede kâin, hudûdu bir tarafından Mehmed Beşe b. ( ) mülkü, bir tarafından Sultan Hamamı, bir tarafından tarîk-ı hâs, bir tarafından tarîk-ı âm ile mahdûd menzilini cümle tevâbi‘i ve levâhıkıyla râyicü’l-vakt tâmmü’l-vezn sahîhü’l-ayâr sekiz yüz riyâlî guruş semen-i mu‘ayyen-i makbûzla râfi‘atü hâze’l-kitâb Belkıs Hâtun bt. Abdullah’a bey‘ ettiğini ikrâr ve i‘tirâf eyledi. O dahî kendi parasıyla ve istiğlâl maksadıyla menzil-i mezbûru iştirâ eyledi. Ba‘de’t-tahliye ve’t-tekābuz müşteriye-i mezbûre menzil-i mezkûru zeyilde mezkûr tarihden bir sene tamâmına râyicü’l-vakt elli guruş ücret-i kirâ ile bâyi‘a-i mesfûreye icâreye verdi. Sonra menzil-i mezbûrun derkine ve ücret-i kirâya mahalle-i mezbûre sükkânından Süleyman Çelebi b. Mehmet îcâb ve kabûlü hâvî kefâletle kefîl oldu. Cerâ zâlike ve hurrie fî-gurreti Zilhicceti’ş-şerîfe li-sene seb‘a ve sittîn ve elf. Şühûdü’l-hâl: Fahrü’l-kuzât Mustafa Efendi el-Kādî bi-Mora muvakkaten, Kıdvetü’l-eimme Abdullah Efendi, Yusuf Bey b. Abdullah, Süleyman Bey b. Zekeriya, Osman Beşe çukadâr