Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 591 Hüküm no: 616 Orijinal metin no: [93b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yako v. David’in emtia bedelinden ve aldığı borçtan Ahmed Bey b. Osman’a otuz beş guruş borcu olduğunu itiraf ettiği Düstûr-ı mükerrem müşîr-i mufahham Ahmed Paşa hazretlerinin âdemlerinden râfi‘ü’l-kitâb Ahmed Bey b. Osman mahfil-i kazâda Üsküdar cemâ‘atinden Yako v. David nâm Yahudi muvâcehesinde üzerine da‘vâ edip mezbûr Yako zimmetinde yedimden müşterâ ve makbûz beş zirâ‘ iskarlet yeşil çuka bahâsından on yedi guruş ve bir yeşil atlas kumaş bahâsından on dört guruş ve karz-ı şer‘îden dört buçuk guruş ki cem‘an otuz beş buçuk riyâlî guruş hakkım vardır suâl olunup alıverilmesi matlûbumdur dedikde gıbbe’s-suâl mezbûr Yako cevâbında fi’l-vâki‘ müdde‘î-i mezbûra vech-i muharrer üzere çuka ve kumaş bahalarından ve karzdan cem‘an otuz beş buçuk riyâlî guruş deynim vardır dedikde mûcibiyle edâsına tenbîh olunup ketb olundu. Fî 11 min şehri Rebî‘ülâhir sene 1068. Şühûdü’l-hâl: Ali Çavuş el-mübâşir, Ali Çelebi çukadâr, Mehmed Çavuş b. ( ).