Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 602 Hüküm no: 627 Orijinal metin no: [96a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Yusuf b. Abdullah’ın Ekmekçi İstirati v. Lika’dan haksız yere aldığı sekiz bin dört yüz akçeyi iadesi Habbâz tâifesinden olup mahmiye-i Edirne hısnı ebvâbından Tavukkapısı dâhilinde sâkin İstirati v. Lika nâm zimmî mahfil-i kazâda el-Hâc Yusuf b. Abdullah mahzarında üzerine takrîr-i da‘vâ edip merhûm Yahya Çelebi Vakfı’ndan zimmetimde ancak beş bin akçe deynim olup mütevellîsi işbu hâzır bi’l-meclis İbrahim Efendi’ye meblağ-ı mezbûru def‘ ve teslîm eylemişiken mezbûr el-Hâc Yusuf tekrâr benden sekiz bin dört yüz akçeyi mütevellî-i mezbûra def‘ ve teslîm eylemek üzere ahz eyledi hâlâ meblağ-ı mezbûru merkūm el-Hâc Yusuf’dan taleb ederim suâl olunsun dedikde gıbbe’s-suâl mezbûr el-Hâc Yusuf cevâbında fi’l-vâki‘ vakf-ı mezbûr mütevellîsi merkūm İbrahim Efendi meblağ-ı mezbûr sekiz bin dört yüz akçeyi mezbûr İstirati’den ahz u kabz ettikden sonra ben dahi tekrâr mütevellî-i mezbûra def‘ ü teslîm edesin deyu sekiz bin dört yüz akçeyi mezbûr İsterati’den ahz u kabz eyledim deyu ikrâr ile cevâb vermeğin mûcibiyle meblağ-ı mezbûru müdde‘î-i merkūm İsterati’ye red ve teslîme mezbûr el-Hâc Yusuf’a tenbîh birle mâ-vaka‘a bi’t-taleb ketb olundu. Fi’t-târihi’l-mezbûr. Şühûdü’l-hâl: Ahmed Çavuş el-mübâşir, İbrahim Bey b. ( ), Abdurrahman Bey b. ( ), Salih b. ( ).