Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 615 Hüküm no: 645 Orijinal metin no: [98b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kapıcıbaşı Mehmed Ağa’nın Rus asıllı kölesi Mehmed’i azat ettiği Dergâh-ı âlî kapıcıbaşılarından iftihârü’l-emâcid ve’l-ekârim câmi‘u’l-mehâmid ve’l-mekârim Mehmed Ağa mahmiye-i Edirne’de meclis-i şer‘-i hatîrde ikrâr ve takrîr-i kelâm edip kendime rıkkını mu‘terif olan işbu açık kaşlı kara gözlü orta boylu Rusiyyü’l-asl işbu sâhibü’l-kitâb Mehmed b. Abdullah nâm şâbb-ı emred abd-i memlûkümü hasbeten lillahi’l-aliyyi’l-azîm ve taleben li-merzâti’r-rabbi’r-rahîm tahrîr ve i‘tâk ve silk-i ahrâr-ı asliyyîne idrâc ve ilhâk eyledim ba‘de’l-yevm mezbûr Mehmed sâir ahrâr-ı asliyyîn gibi hürdür üzerinde hakk-ı velâdan gayrı hakkım bâkī kalmadı dedikde mâ-vaka‘a bi’t-taleb ketb olundu. Fi’t-târihi’l-mezbûr Şühûdü’l-hâl: Halil Efendi b. ( ) el-kādî, Ramazan Çelebi b. ( ), el-Hâc Mustafa el-cündi, Abdülkerim Çelebi b. ( ), Hüseyin Çelebi hazînedâr, Mustafa Bey kethüdâ, Şa‘ban Çelebi b. ( ), Şâtır Hüseyin Bey b. ( ), İbrahim Beşe b. ( ), Abdurrahman Bey el-cündi.