Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 623 Hüküm no: 657 Orijinal metin no: [100b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manastır nahiyesine bağlı Bahçepınar köyü zimmilerinin Süleyman Ağa Vakfı’na yirmi bin yedi yüz akçe borçları olduğunu ikrar ettikleri Mahmiye-i Edirne muzâfâtından Manastır nâhiyesine tâbi‘ Bahçepınar nâm karye ahâlîsinden Todori v. Yorgo ve Nikola v. Miho nâm zimmîler mahmiye-i mezbûrede meclis-i şer‘-i şerîfde mahmiye-i mezbûrede bi’l-fi‘il Süleyman Ağa Vakfı’na mütevellî olan işbu hâfızu’l-kitâb Ahmed Çavuş b. Mehmed mahzarında herbiri ikrâr ve takrîr-i kelâm edip vakf-ı mezbûr malından karyemiz mesâlihi için istidâne olunmuş nakid on sekiz bin akçe ve târih-i kitâbdan bir sene tamâmına değin müeccel ve mev‘ûd vasıf ve levn ve zirâ‘ı beynimizde ma‘lûm çuka bahâsından dahi iki bin yedi yüz akçe bizim ve karye-i mezbûre ahâlîsinden Polo v. Yani ve Pasko v. Yorgo ve Miho v. Niko ve Garito v. Nika nâm zimmîler ile zimmetimizde lâzimü’l-edâ ve vâcibü’l-kazâ deynimiz olup herbirimiz âharın zimmetine lâzım gelen meblağa dahi emr ve kabûlü hâviye kefâlet-i sahîha-i şer‘iyye ile kefîl olduk dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-âşir min-Cumâdelâhıre li’s-seneti’l-mezbûre. Şühûdü’l-hâl: Mehmed Çelebi b. Şa‘ban, İbrahim Ağa b. Mehmed, Ahmed Çelebi b. Mehmed, Mustafa Çelebi b. Adullah, İsmail Dede b. Hüseyin, Hâcı Çelebi b. ( ).