Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 624 Hüküm no: 659 Orijinal metin no: [100b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rus asıllı kölenin azat edildiği Tamâmı altmış üçüncü oda solakları cemâ‘atinden olan Emrullah Çelebi b Nuh ve Zülfikar Bey b. Abdullah ve Hasan Çelebi b. Mehmed nâm kimseler medîne-i mahrûse-i Edirne’de meclis-i şer‘-i şerîfe hâzirûn olup, açık kaşlı, göğ gözlü, orta boylu, Rusiyyü’l-asl Hasan b. Abdullah kıbelinden husûs-i âti’z-zikre vekâleti bi-mâ hüve tarîku’s-sübût şer‘an sâbit olan yine cemâ‘at-i mezbûreden İbrahim Çelebi b. Kasım’dan bi’l-vekâle sâdır olan da‘vâ-yı sahîha-i şer‘iyyede, Ahmed Çelebi b. Hüseyin mahzarında gıbbe’l-istişhâd şöyle edâ-yı şehâdet ettiler ki, bundan akdem fevt olan, cemâ‘at-i mezkûreden Solak Emrullah Çelebi b. Mustafa hâl-i hayâtında ve kemâl-i aklında müdde‘î-yi mezbûr-i mevsûf abd-i memlûkini bizim yanımızda ve katımızda âzâd ve tahrîr etti. Abd-i mezbûr bu sûretle sâir ahrâr-ı asliyyîn gibi hür oldu. Cerâ zâlike ve hurrire fi’l-yevmi’s-sânî aşara min-Cumâdelâhire li-sene semâne ve sittîn ve elf. Şühûdü’l-hâl: el-Hâc Mustafa Çelebi b. Ahmed solak, Veliyyüddin Çelebi b. İbrahim, Ahmed Çelebi b. Mustafa, Mehmed Beşe b. Ali solak, Mustafa Beşe b. Resul, Mehmed b. Hüseyin Bey, Ahmed Çelebi b. Hüseyin solak, el-Hâc Hüseyin Bey b. İbrahim Bey cündi