Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 629 Hüküm no: 665 Orijinal metin no: [101b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Güzelce Mahmud Paşa Vakfı’na ait menzilde oturan Ahmed Efendi’nin birikmiş kira ücretini ödediği Vilâyet-i Rumeli’nden Zağra-i Atîk nâm kasabada vâki‘ merhûm Güzelce Mahmud Paşa Vakfı’nın bi’l-fi‘il mütevellîsi olan Ahmed Halîfe b. Mahmud nâm kimesne mahmiye-i Edirne’de kasaba-i mezbûre sükkânından işbu râfi‘ü’l-kitâb mefharü’l-kuzât Ahmed Efendi b. el-merhûm Mustafa Efendi mahzarında bi’t-tevliye ikrâr ve takrîr-i kelâm edip vakf-ı mezbûrdan olup ücret-i müeccele-i ma‘lûme ile mûmâ-ileyh Ahmed Efendi’nin taht-ı icâresinde olan kasaba-i mezbûrede vâki‘ bir tarafdan bazen Mehmed Çelebi ve bazen Nuh Çelebi mülkleri ve bir tarafdan Hoca Sinan Medresesi ve iki tarafdan tarîk-ı âm ile mahdûd vakıf menzilin bin altmış bir senesinden târih-i kitâba gelince zimmetinde müctemi‘a olan icâresini mezbûr Ahmed Efendi yedinden tevliyetim hasebiyle bi’t-tamâm alıp kabz eyledim ücret-i merkūmeden zimmetinde bir akçe ve bir habbe bâkī kalmadı dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Şühûdü’l-hâl: es-Sâbıkūn.