Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 638 Hüküm no: 677 Orijinal metin no: [103b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Üsküdar nahiyesine bağlı Maraş köyünden bazı zimmilerin Süleyman Ağa Vakfı’na yirmi bin yedi yüz akçe borçları olduğunu ikrar ettikleri Mahmiye-i Edirne muzâfâtından Üsküdar nâhiyesine tâbi‘ Maraş nâm karye ahâlîsinden Stoyko v. Todori ve Kuka v. İskerlet ve Artin v. Kureş ve Frankola v. Frankola ve Yamandi v. Kosta ve Meliksar v. Aleksi ve Praşko v. Meliksar ve Apostol v. Yani ve Kosta v. Bâlâ ve Dedo v. Yuvan ve Roya v. Kiryaki ve Dimitri v. Kosta ve Panayot v. Yani nâm zimmîler mahmiye-i mezbûrede mahfil-i kazâda mahmiye-i merkūmede Süleyman Ağa Vakfı’na bi’l-fi‘il mütevellî olan işbu râfi‘ü’l-kitâb Ahmed Çavuş b. Mehmed mahzarında herbiri ikrâr ve takrîr-i kelâm edip vakf-ı mezbûr malından karye-i mezbûre mesâlihi için istidâne olunmuş nakid on sekiz bin akçe ve târih-i kitâbdan bir sene tamâmına değin vasıf ve levn ve zirâ‘ı beynimizde ilm-i şer‘î ile ma‘lûm çuha bahâsından dahi iki bin yedi yüz akçe cem‘an yirmi bin yedi yüz fıddî râyic fi’l-vakt akçe zimmetimizde lâzimü’l-edâ ve vâcibü’l-kazâ deynimiz olup cemî‘ meblağ-ı mezbûra herbirimiz âharın zimmetine lâzım gelen meblağa emr ve kabûlü hâviye kefâlet-i sahîha-i şer‘iyye ile kefîl olduk dediklerinde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hamis min şehri Recebi’l-ferd li-sene semân ve sittîn ve elf. Şühûdü’l-hâl: İbrahim Çavuş b. Süleyman, Ali Çavuş b. İbrahim, Hüseyin Ağa b. ( ) el-cündi, Hüseyin Çelebi b. Ali, Ahmed Çelebi b. Mehmed, İbrahim Bey b. el-Hâc Ca‘fer.