Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 638 Hüküm no: 678 Orijinal metin no: [103b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çukacı Hacı Mahmud Çelebi b. Hacı Ali’nin Ahmed b. Mustafa’ya bir sene içerisinde ödemek şartıyla yüz yirmi bin akçe borcu olduğunu ikrar ettiği Fi’l-asl mahrûse-i Bosnasarayı’ndan olup mahmiye-i İstanbul’da Kebeciler Hanı’nda sâkin <> çukacı tâifesinden el-Hâc Mahmud Çelebi b. el-Hâc Ali mahmiye-i Edirne’de mahfil-i kazâda Vilâyet-i Rumeli’nde Mostar kasabasında sâkin iken bundan akdem fevt olan Mustafa’nın sulbî sagīr oğlu Ahmed’in tesviye-i umûruna kıbel-i şer‘-i mergūbdan mansûb vasîsi olan hâfızu’l-kitâb umdetü’l-emâcid ve’l-ekârim câmi‘u’l-mehâmid ve’l-mekârim Ali Ağa b. Halil mahzarında ikrâr ve takrîr-i kelâm edip sagīr-i mezbûr malından fıddî râyic fi’l-vakt yüz on bin akçe vasiyy-i mezbûr Ali Ağa yedinden istikrâz ve kabz ol dahi ikrâz ve teslîm etmeğin hâlâ meblağ-ı mezbûr yüz on bin akçe ile yine müşterâ ve makbûz çuka bahâsından târih-i kitâb şehr-i Rebî‘ülâhiri gurresinden bir sene tamâmına değin müeccel ve mev‘ûd on bir bin akçe ki cem‘an yüz yirmi bir bin mezbûru’n-na‘t akçe zimmetimde lâzimü’l-edâ ve vâcibü’l-kazâ deynimdir dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis min şehri Recebi’l-mürecceb li-sene semân ve sittîn ve elf. Şühûdü’l-hâl: Mehmed Ağa b. Abdullah, Hâcı Kenan b. Abdullah, İshak Bey b. Salih, Mustafa Bey b. Mehmed, Ramazan Bey b. Osman, Ali Bey b. Abdullah.