Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 649 Hüküm no: 687 Orijinal metin no: [106a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Muslı Paşa’nın Hersekli Hacı Selim’den aldığı üç bin akçeyi ödemesine karar verildiği Mahmiye-i Edirne’de Hersek sancağında vâki‘ Roda nâm kasaba sâkinlerinden bâ‘isü’l-kitâb el-Hâc Selim b. ( ) nâm kimesne meclis-i şer‘-i enverde sâbıkā eyâlet-i mezbûreyi mutasarrıf olan fahrü’l-vülât Muslı Paşa mahzarında üzerine da‘vâ ve takrîr-i kelâm edip paşa-yı mûmâ-ileyh benden bi-gayri şer‘î zulmen yüz kırk aded esedî guruşumu aldı suâl olunup alıverilmesi matlûbumdur dedikde gıbbe’s-suâl paşa-yı mezbûr cevâbında fi’l-hakīka merkūm el-Hâc Selim’den üç bin akçe aldım ziyâde almadım ve tarafımdan kimesnenin aldığını dahi bilmem deyu mâ‘adâyı münkir olucak müdde‘î-i mezbûrdan beyyine taleb olundukda ityân-ı beyyineden izhâr-ı acz ile isticlâb etmeğin müdde‘î-i mezbûr el-Hâc Selim’den vech-i meşrûh üzere paşa-yı mûmâ-ileyh üç bin akçeden ziyâde almadığına yemîn billâhi’l-aliyyi’l-azîm etmeğin ikrârı mertebesi olan üç bin akçe ilzâmla mâ-vaka‘a bi’t-taleb ketb olundu. 25 Recebü’l-ferd sene 1068. Şühûdü’l-hâl: Ali Çavuş el-mübâşir, Ahmed Çelebi b. Mehmed el-kâtib, Süleyman Beşe b. Nuh ve gayruhüm.