Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 659 Hüküm no: 701 Orijinal metin no: [108a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ahmed’in vasisi merhum İsmail’de dokuz müd buğday alacağı olduğu iddiasını merhumun oğlu Mehmed huzurunda ispat edemediği Kasaba-i Cisr-i Mustafapaşa mahallâtından Câmi‘-i şerîf mahallesi sâkinlerinden olup bundan akdem müteveffâ olan Ahmed b. İnebey nâm kimesne sulbî kebîr oğlu Mustafa nâm kimesne meclis-i şer‘-i hatîr-i lâzimü’t-tevkīrde yine mahalle-i mezbûre sükkânından olup mezbûr Mustafa’nın vasîsi müteveffâ İsma‘il nâm kimesnenin sulbî kebîr oğlu râfi‘ü’l-kitâb Mehmed nâm kimesne mahzarında takrîr-i da‘vâ edip vasiyy-i mezbûr İsma‘il dokuz müd buğdayımı alıp kabz edip ben sagīr olmağla babam müteveffâ-yı mezbûrun muhallefâtı defterine kaydetmeyip zimmetinde bâkī kalmışidi hâlâ mezbûr Mehmed babaı müteveffâ-yı mezbûrun muhallefâtına vâzı‘u’l-yed olmağla taleb ederim suâl olunsun dedikde gıbbe’s-suâl ve akībe’l-inâr müdde‘î-i mezbûrdan takrîrine muvâfık beyyine talep olundukda ityân-ı beyyineden izhâr-ı acz edip istihlâf etmeğin mezbûr Mehmed dahi alâ vefki’l-mes’ûl yemîn billâhi’l-aliyyi’l- azîm etmeğin mâ-hüve’l-vâki‘ bi’t-taleb ketb olundu. Tahrîren fi’l-yevmi’s-sânî ve’l-ışrîn min şehri Şa‘bâni’l-mu‘azzam li-sene semân ve sittîn ve elf Şühûdü’l-hâl: Ahmed Beşe b. Veli, Hasan b. Abdullah, Mehmed b. Ali ve gayruhûm.