Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 673 Hüküm no: 718 Orijinal metin no: [110b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mahmud Beşe’nin 56. Kayıkçılar Odası vakıf parasından bin guruş borç aldığını ikrar ettiği Mahmiye-i İstanbul’da vâki‘ zümre-i râcilîn odalarından elli altıncı kayıkçılar odasından Mahmud Beşe nâm râcil meclis-i şer‘-i hatîr-i lâzimü’t-tevkīrde sâlifü’z-zikr oda mühimmâtına mevkūfe nukūda bi’l-fi‘il mütevellî olup ve vekîl-i harc olan Süleyman Beşe nâm râcil tarafından ikrâr-ı âti’z-zikri tasdîka vekîl olup vekâleti Hasan Beşe b. Ali ve Ali Beşe b. Mehmed şehâdetleri ile şer‘an sâbite olan Mehmed Beşe b. Hasan nâm kimesne mahzarında ikrâr ve takrîr-i kelâm edip müvekkil-i merkūm Süleyman Beşe yedinden mâl-ı vakf-ı mezbûrdan bin kıt‘a riyâlî guruşu alıp zimmetinde vâcibü’l-edâ ve lâzimü’l-kazâ deynimdir deyu bi’t-tav‘i’s-sâf ikrâr [ve] i‘tirâf etmeğin gıbbe’t-tasdîkı’ş-şer‘î mâ-vaka‘a bi’t-taleb ketb olundu. Tahrîren fi’l-yevmi’l-âşir min şehri Ramazâni’l-mübârek li-sene semân ve sittîn ve elf. Şühûdü’l-hâl: Mehmed Çelebi [b.] İskender, Ca‘fer Beşe b. Sadık, Ahmed Çelebi [b.] Ca‘fer, Mustafa Beşe [b.] Abdullah, Veli Beşe b. Mîrzâ, Mahmud Beşe b. Müstecâb ve gayruhüm.