Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 681 Hüküm no: 729 Orijinal metin no: [112a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. İsmail’in Hasan Ağa b. İbrahim’den altmış üç guruş alacağı olduğu İşbu râfi‘ü’l-kitâb Mustafa b. İsmail nâm kimesne meclis-i şer‘-i şerîf-i refi‘ü’l-erkân ve mahfil-i din-i münîf-i râsihu’l-bünyânda hizmetinde olan Hasan Ağa b. İbrahim mahzarında takrîr-i kelâm edip mezbûr Hasan Ağa hizmetinde cem‘ ve tahsîl ettiğim altmış üç aded esedî guruş zimmetinde olmağla suâl olunup takrîri tahrîr [olunması] matlûbumdur dedikde gıbbe’s-suâl mezbûr Hasan Bey cevâbında hizmetkârım mezbûr Mustafa’nın zimmetimde meblağ-ı mersûm altmış üç aded esedî guruş hakkı vardır deyu bi-tav‘ihî ikrâr ve i‘tirâf etmeğin mâ-hüve’l-vâki‘ bi’t-taleb ketb olundu. Hurrire fi’l-yevmi’r-râbi‘ min şehri Şevvâli’l-mükerrem li-sene semân ve sittîn ve elf. Şühûdü’l-hâl: Ahmed Ağa b. Ali, Bayram Beşe çukadâr, Ali b. Mehmed ve gayruhüm.