Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 689 Hüküm no: 739 Orijinal metin no: [113b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Harameyn Mukataacısı Hasan Efendi b. Sinan Bey’in Rus asıllı kölesi Yahya’yı azat ettiği Hâlâ Haremeyn-i Şerîfeyn mukāta‘acısı olan iftihârü’l-emâcid ve’l-ekârim câmi‘u’l-mehâmid ve’l-mekârim Hasan Efendi b. el-merhûm Sinan Bey taraflarından ıtk-ı âti’z-zikri ikrâra vekîl olup Mustafa b. Receb ve Sefer Bey b Musa nâm kimesneler şehâdetleri [ile] şer‘an vekâleti sâbite olan fahrü’l-akrân Handan Bey b. Abdülmennân nâm kimesne mahmiye-i Edirne’de meclis-i şer‘-i hatîr-i lâzimü’t-tevkīrde müvekkil-i müşârun-ileyhe rıkkını mu‘terif olan açık kaşlı göğ elâ gözlü sarışın orta boylu Rusiyyü’l-asl Müslimü’l-mille Yahya b. Abdullah nâm abd-i memlûkü muvâcehesinde bi’l-vekâle ikrâr-ı tâm ve takrîr-i kelâm edip müvekkil-i mûmâ-ileyh işbu evsâf-ı mezbûre ile mevsûf olan mezkûr Yahya’yı hasbeten lillâhi te‘âlâ i‘tâk ve tahrîr edip silk-i ahrâr-ı asliyyîne ilhâk ve idrâc eyledi ba‘de’l-yevm mezbûr Yahya sâir ahrâr-ı asliyyîn gibi hür olup üzerinde hakk-ı velâdan gayrı hakkı kalmadı dedikde mâ-hüve’l-vâki‘ bi’t-taleb ketb olundu. Fi’l-yevmi’l-hâdî aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Ahmed Ağa mukāta‘a-i Muradiye, Osman Çelebi câbî-i Muradiye, İbrahim Çelebi câbî-i Muradiye, Şa‘ban Çelebi kilerci-i Muradiye, Ali tâbi‘-i Mehmed Efendi, Dilaver Efendi kâtib-i kiler-i Muradiye, Abdi Çelebi.