Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 690 Hüküm no: 741 Orijinal metin no: [113b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdulbâki Efendi b. Camseb’in Ömer Beşe b. Mustafa’ya üç yüz guruş borcu olduğunu ikrar ettiği Kuzât-ı Mısriyye’den olup sâbıkā Ebyar kādısı olan mefharü’l-kuzâti’l-İslâm Abdulbâki Efendi b. Camseb? nâm kimesne mahmiye-i Edirne’de meclis-i şer‘-i hatîr-i lâzimü’t-tevkīrde işbu sâhibü’l-kitâb Ömer Beşe b. Mustafa nâm kimesne mahzarında ikrâr-ı tâm ve takrîr-i kelâm edip mezbûr Ömer Beşe yedinden malından üç yüz riyâlî guruş istikrâz ve kabz edip ve levn ve zirâ‘ı beynimizde ilm-i şer‘î ile ma‘lûm olup ve semeni târih-i kitâbdan üç yüz altmış gün tamâmına değin mevcûd ve müeccel çuka bahâsından dahi elli riyâlî guruş cem‘an üç yüz riyâlî guruş zimmetimde lâzimü’l-edâ ve vâcibü’l-kazâ deyinim vardır dedikde mukırr-ı müşârun-ileyhin cârî ve sâdır olan ikrârını mezkûr Ömer Beşe vicâhen ve şifâhen tasdîk ve tahkīk edicek mâ-vaka‘a bi’t-taleb ketb olundu. Fi’l-yevmi’l-hâdî aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Fahrü’l-kuzât Mehmed Efendi el-Kādî bi-Çirmen muvakkaten, İbrahim Efendi b. el-merkūm Ahmed Efendi el-kādî, Mustafa Beşe b. el-Hâc Ahmed, Ahmed Beşe b. Yusuf, Osman b. Mehmed, Ali Çavuş b. Halil ve gayruhüm.