Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 691 Hüküm no: 743 Orijinal metin no: [114a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe b. Bostan’ın varisi olduğu merhume Fatma’nın Mehmed Çelebi b. Hacı Hasan’da emanet olan iki bin iki yüz on yedi akçesini tahsil ettiği Dergâh-ı âlî yeniçerilerinin elli ikinci cemâ‘atinden Mustafa Beşe b. Bostan nâm kimesne meclis-i şer‘-i hatîr-i lâzimü’t-tevkīrde işbu bâ‘isü’l-kitâb Mehmed Çelebi b. el-Hâc Hasan nâm kimesne mahzarında ikrâr-ı tâm ve takrîr-i kelâm edip mahmiye-i Edirne’de Kasab Üzeyir mahallesinde sâkine iken bundan akdem vefât eden Fâtıma nâm hâtun mezbûr Mehmed Çelebi’ye bî-tarîkı’l-emâne iki bin iki yüz on yedi akçe def‘ ve teslîm edip ol dahi ahz u kabz eylemişidi hâlâ müteveffâ-yı mezbûrun li-ebeveyn karındaşı oğlu olup hasran vârisi olduğum hasebiyle bî-tarîkı’l-emâne vaz‘ eylediği iki bin iki yüz on yedi akçeyi merkūm Mehmed Çelebi yedinden bi’t-tamâm ve’l-kemâl ahz u kabz edip tereke-i müteveffât-ı mezbûreye müte‘allika da‘vâ ve nizâ‘dan mezkûr mehmed Çelebi’nin zimmetini ibrâ-i âm ile ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-hâmis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Seydi Bey b. Hüseyin, Mustafa Bey b. el-Hâc Mehmed, Maden b. Nasûh, İbrahim b. el-Hâc Muslı.