Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 696 Hüküm no: 749 Orijinal metin no: [115a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Ömer’in Pınarca köyündeki Dimo v. Duka’nın babasının mülkü olan bağ ile alakası olmadığını ikrar ettiği Mahmiye-i Edirne mahallâtından Eymirşah (Emirşah) mahallesinde sâkin Mustafa b. Ömer nâm kimesne meclis-i şer‘de mahmiye-i mezbûre nevâhîsinden Üsküdar nâhiyesine tâbi‘ Pınarca nâm karyede sâkin Dimo v. Duka nâm zimmî muvâcehesinde ikrâr-ı tâm ve takrîr-i kelâm edip karye-i mezbûre sınırı dâhilinde vâki‘ lede’l-ahâlî ve’l-cîrân ma‘lûmü’l-hudûd olup tahmînen bir dönüm bir evlek bağ merkūm Dimo’nun babası mezkûr Duka’nın mülkü olup ba‘de helâkihî oğlu merkūm Dimo’ya intikāl etmeğin hâlâ zikrolunan bağ merkūm Dimo’nun mülk-i mevrûsudur benim vechen mine’l-vücûh ve sebeben mine’l-esbâb alâka ve medhalim yokdur dedikde mukırr-ı mezbûrun vech-i muharrer üzere cârî ve sâdır olan ikrârını mezkûr Dimo vicâhen tasdîk ve şifâhen tahkīk edicek mâ-vaka‘a bi’t-taleb ketb olundu. Fi’l-yevmi’s-sâbi‘ aşer min-Şevvâli’l-mükerrem li-sene semân ve sittîn ve elf. Şühûdü’l-hâl: İsa Bey b. Ahmed, Ca‘fer Bey. Bayram Beşe, Aslan Beşe ve gayruhüm.