Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 705 Hüküm no: 767 Orijinal metin no: [117a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kamer Hatun’un Karabaş mahallesinde vakfettiği menzilinin oturması için Mehmed Efendi’ye tahsisi Efendi hazretlerinin imzâsıyladır. Mahmiye-i İstanbul’da Karabaş mahallesinde vâki‘ merhûme Kamer nâm sâhibetü’l-hayrât vakıf ve süknâsını evvelâ kendi nefsine ba‘dehâ evlâdına badehüm utekāsına ve evlâdına ba‘de’l-inkırâz sulehâdan bir recüle şart ve ta‘yîn eylediği ma‘lûmü’l-hudûd menzil şart-ı vâkıf üzere evlâd-ı utekādan sâkine olan Ümmühani Hâtun fevt olup evlâd-ı utekā münkariza olmağla menzil-i mezbûr ber-mûceb-i şart-ı vâkıf sulehâdan bir recüle tevcîh olunmak lâzım gelmeğin tevcîh olunup mutasarrıfı olan Ahmed Efendi nâm kimesne fevt olup menzil-i mezbûr mahlûl olmağın işbu hâmilül-kitâb sulehâdan Mehmed Efendi’nin süknâya eşedd-i ihtâc ile muhtâc olmağla menzil-i mezbûr ber-mûceb-i şart-ı vâkıf savb-ı şer‘den merkūm Mehmed Efendi’ye tevcîh olunup tasarrufi’çün bu vesîka bi’t-taleb ketb olundu. Fi’l-yevmi’l-hâmis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed Efendi [b.] Mustafa el-kādî, Kutbeddîn İsmail b. Hürremşah el-Kādî bi-medîneti Niş? sâbıkā, Ahmed Çelebi, Ali Bey.