Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 706 Hüküm no: 769 Orijinal metin no: [117b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Merhum Ali Çelebi’nin terekesi hususunda varislerinden kız kardeşi Sâliha’nın karısı Gevher’in zimmetini ibra ettiği Edirne mahallâtından Hasan Paşa mahallesinde sâkin olup medîne-i Filibe’de ticâret tarîkiyle müsâfir iken bundan akdem vefât eden Ali Çelebi b. Musa Bey verâseti zevce-i metrûkesi Gevher bt. Abdullah ile li-üm kız karındaşı Sâliha b. Mustafa’ya münhasıra olduğu şer‘an zâhir ve mütehakkık oldukdan sonra mezbûre Sâliha mahmiye-i mezbûrede meclis-i şer‘de mezkûre Gevher mahzarında ikrâr ve takrîr-i kelâm edip mezbûre Gevher ile muhallefât-ı müteveffâ-yı mezbûrdan selâse-i irbâ‘ hisse-i şer‘iyyeme müte‘allik da‘vâ ve nizâ‘ımdan fâriğa olup husûs-ı mezbûra müte‘allik da‘vâdan mezkûr Gevher’in zimmetini ibrâ-i âm ile ibrâ ve ıskāt eyledim dedikde mukırre-ı mezbûrenin vech-i meşrûh üzere cârî ve sâdır olan ikrârını mezkûre Gevher vicâhen ve şifâhen tasdîk etmeğin mâ-vaka‘a bi’t-taleb ketb olundu. Fi’l-yevmi’s-sâdis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mustafa [b.] İsmail, Mehmed [b.] Ali, Yunus el-imâm, Ca‘fer b. Abdullah.