Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 706 Hüküm no: 770 Orijinal metin no: [117b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Bey b. Abdullah’ın Kuzma v. Niko’ya ikişer kile arpa ve buğday borcunu ödediği Edirne’de Kâtib-i [Cev] mahallesinde sâkin Mehmed Bey b. Abdullah meclis-i şer‘de Üsküdar nâhiyesine tâbi‘ Pınarca nâm karyede sâkin Kuzma v. Niko nâm zimmî mahzarında ikrâr edip mezbûr Kuzma’ya iki keyl arpa ve iki keyl buğday deynim olmağla hâlâ zikrolunan iki keyl buğday ile iki keyl arpayı mezbûr Kuzma’nın yedine def‘ ü teslîm edip ol dahi ahz u kabz ve benim dahi merkūm Kuzma zimmetinde hakkım olmayıp ba‘de’l-yevm da‘vâ dahi zuhûr ederse lede’l-hükkâm mesmû‘a olmaya dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’s-sâdis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed [b.] Ahmed, Ali [b.] Ahmed, Bayram, Arslan, Mehmed Çelebi.