Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 707 Hüküm no: 772 Orijinal metin no: [118a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Hüseyin’in babalarından kendilerine intikal eden ve kardeşi Ali tarafından Mahmud Beşe b. Ali’ye satılan menzilde alakası olmadığını ikrar ettiği Vilâyet-i Rumeli’nde Hayrabolu mahallâtından Bahşi mahallesinde sâkine Âişe bt. Hüseyin nâm hâtun mahmiye-i Edirne’de meclis-i şer‘-i şerîfde bâ‘isü’l-kitâb Mahmud Beşe b. Ali nâm kimesne mahzarında ikrâr-ı tâm ve takrîr-i kelâm edip mahalle-i mezbûrede vâki‘ bir tarafan Süleyman b. Kadri mülkü ve bir tarafdan Abdi Çelebi b. Maden mülkü ve bir tarafdan Selim Hoca mülkü ve bir tarafdan tarîk-ı âm ile mahdûd büyût-ı müte‘addideyi müştemil menzil babam mezbûr Hüseyin’in mülkü olup ba‘de vefâtihî bana ve li-ebeveyn karındaşım Ali nâm kimesneye intikāl etmekle ben dahi menzil-i mezbûrda olan üç sehimden bir sehm hisse-i şâyi‘amı babam müteveffâ-yı mezbûrun âhar terekesinden alıp istîfâ eyledim menzil-i mezbûr müstakillen karındaşım mezbûr Ali’nin olmağla ol dahi on dört bin beş yüz akçeye merkūm Mehmed Beşe’ye bey‘ ve teslîm etmişidi hâlâ menzil-i mezbûrda olan üç sehimden bir sehm hisse-i irsiyyeme müte‘allik da‘vâdan mezbûr Mahmud Beşe’nin zimmetini ibrâ-i âm ile ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-[yevmi’t]-tâsi‘ ve’l-ışrîn min-Şevvâli’l-mükerrem li-sene semân ve sittîn ve elf. Şühûdü’l-hâl: Hasan Bey b. Mehmed, Yahya b. Mustafa, İsmail Ağa, Muslı Beşe, Receb Çelebi.