Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 713 Hüküm no: 780 Orijinal metin no: [119a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kuzma v. Niko’nun alacağı olan ikişer kile arpa ve buğdayı Mehmed b. Abdullah’tan aldığı Mahmiye-i Edirne nevâhîsinden Üsküdar nâhiyesine tâbi‘ Pınarca nâm karyede sâkin Kuzma v. Niko nâm zimmî mahmiye-i mezbûrede meclis-i şer‘-i hatîr-i lâzimü’t-tevkīrde Mehmed b. Abdullah mahzarında ikrâr-ı tâm ve takrîr-i kelâm edip mezbûr Mehmed zimmetinde iki keyl arpa ve iki keyl buğday hakkım olmağla hâlâ zikrolunan iki keyl arpa ve iki keyl buğdayı merkūm Mehmed’in yedinden tamâmen alıp kabz eyledim dedikde mukırr-ı mezkuru vech-i muharrer üzere cârî ve sâdır olan ikrârını el-mukarru lehü’l-merkūm Mehmed vicâhen ve şifâhen tasdîk ve tahkīk etmeğin mâ-vaka‘a bi’t-taleb kayd olundu. Fi’l-yevmi’s-sâdis aşer min-Şevvâli’l-mükerrem li-sene semân ve sittîn ve elf. Şühûdü’l-hâl: Mehmed b. Mustafa, İsa b. Ahmed, Ahmed Çelebi b. ( ), Arslan b. Abdullah ve gayruhüm mine’l-hâzırîn.