Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 716 Hüküm no: 785 Orijinal metin no: [120b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Mehmed’in kendisine emanet bırakılan üsküf ve kaftanı sahibi Yesari Mehmed b. Mehmed’e teslimine karar verildiği İstanbul’da Kadırga Limanı mahallesinde sâkin Mehmed b. Mehmed el-yesârî meclis-i şer‘de Ahmed b. Mehmed mahzarında üzerine da‘vâ ve takrîr-i kelâm edip mezbûr Ahmed’e silk-i mülkümde münselik olan eşyâmdan yirmi guruş kıymetli sırmalı bir üsküf ile on beş guruş kıymetli bir âteşin kaftanımı târih-i kitâbdan altı ay mukaddem bî-tarîkı’l-emâne def‘ ü teslîm ol dahi ahz u kabz eylemişidi hâlâ taleb eylediğimde vermekde te‘allül eder suâl olunup alıverilmek matlûbumdur dedikde gıbbe’s-suâl mezbûr Ahmed cevâbında fi’l-hakīka vech-i meşrûh üzere zikri mürûr eden sırmalı üsküf ile bir âteşîn kaftanını bana merkūm Mehmed bî-tarîkı’l-emâne def‘ ü teslîm ben dahi ahz u kabz eylemişidim hâlâ eşyâ-i merkūme yedimde mevcûdedir ikrâr edicek zikrolunan eşyâyı müdde‘î-i merkūma edâ ve teslîm etmek için tenbîh birle mâ-vaka‘a bi’t-taleb ketb olundu. Fi’l-[yevmi’l]-hâmis aşer min-Zilka‘deti’ş-şerîfe [li-sene semân ve sittîn ve elf.] Şühûdü’l-hâl: Ahmed b. Mehmed, Hasan b. Kasım, Şahin b. Veli.