Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 717 Hüküm no: 787 Orijinal metin no: [121a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Marola bt. Kosta’nın emlak satışından alacağı olduğu iddiasıyla İsmail Ağa b. Ali aleyhine açtığı davada dört yüz akçeye sulh olduğu Mahmiye-i Edirne’de Yıldırım Bayezid Hân mahallesinde sâkin olan Marola bt. Kosta nâm Nasrâniye meclis-i şer‘-i hatîr-i lâzimü’t-tevkīrde işbu bâ‘isü’l-kitâb İsmail Ağa b. Ali mahzarında bi’t-tav‘i’s-sâf ikrâr ve takrîr-i kelâm edip mezbûr İsmail Ağa’ya bundan akdem mahmiye-i merkūma tâbi‘ Karaağaç nâm karyede vâki‘ lede’l-ahâlî ma‘lûmü’l-hudûd iki tahtânî odayı ve bir ahırı ve sundurmayı müştemil ve yine karye-i merkūme sınırında vâki‘ tahdîd ve tavsîfden müstağnî altı dönüm bağımı safka-i vâhide ile dört bin yedi yüz akçeye bey‘-i bâtt-ı sahîh-i şer‘î ile bey‘ ve teslîm ol dahi iştirâ ve tesellüm ve kabûl eyledikden sonra semeni olan meblağ-ı merkūm zimmetinde kalmağla meblağ-ı mezbûru da‘vâ ve talebe şürû‘ eylediğimde beynimizde münâza‘ât-ı kesîre vâkı‘a olmuşidi el-hâletü hâzihî beynimize muslihûn tavassut edip beni dört yüz elli akçeye inşâ-i akd-i sulh ettiklerinde ben dahi sulh-ı mezbûru kabûl ve bedel-i sulh olan dört yüz elli akçeyi yedinden bi’t-tamâm ahz u kabz eyleyip mâ‘adâsını da‘vâdan zimmetini ibrâ-i âm ile ibrâ e ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’l-yevmi’l-âşir min-Zilka‘deti’ş-şerîfe li-sene semân ve sittîn ve elf. Şühûdü’l-hâl: Ahmed Çelebi b. Mehmed, Hasan b. Mehmed, Bayram b. Veli, Halil Çelebi b. ( ).