Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 719 Hüküm no: 789 Orijinal metin no: [121b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Yani v. Marko’nun on bir akçe alacak davasından Koca v. Miço’nun zimmetini ibra ettiği Mahmiye-i Edirne’de mumcu tâifesinden Yani v. Marko nâm zimmî mahmiye-i mezbûrede meclis-i şer‘-i hatîr-i lâzimü’t-tevkīrde işbu bâ‘isü’s-sifr Koca v. Miço nâm zimmî muvâcehesinde ikrâr ve takrîr-i kelâm edip mezbûr Koca zimmetinde cihet-i deyn-i şer‘îden on bir bin akçe hakkım olup hâlâ zikri mürûr eden on bir bin akçeyi da‘vâdan mezkûr Koca’nın zimmetini ibrâ-i âm ile ibrâ ve ıskāt eyledim dedikde mukırr-ı mezbûrun vech-i muharrer üzere cârî ve sâdır olan ikrârını mezbûr Koca vicâhen ve şifâhen tasdîk ve tahkīk edicek mâ-vaka‘a bi’t-taleb sebt olundu. Fi’l-[yevmi’s]-sânî aşer min-Zilka‘deti’ş-şerîfe sene 1068. Şühûdü’l-hâl: Mustafa Ağa, Hasan Çavuş [b.] Abdullah, el-Hâc Nebi [b.] Arslan, Turali b. Aydın.