Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 722 Hüküm no: 794 Orijinal metin no: [122b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ramazan Ağa b. Mehmed’in Rus asıllı kölesini azat ettiği El-emru kemâ zukire fîh Nemakahü’l-fakīru ileyh sübhânehû ve te‘âlâ Ali el-müvellâ-hilâfeten bi-Trapoliçe -Ufiye anh- Itıknâmedir. Vech-i tahrîr-i sûret-i sicil budur ki Ber-vech-i arpalık Mora Eyâleti’ne mutasarrıf olan Mustafa Paşa hazretlerinin kethüdâsı Ramazan Ağa b. Mehmed meclis-i şer‘-i şerîfde ikrâr ve takrîr-i kelâm edip Rusiyyü’l-asl Murtaza nâm abd-i memlûkümü hasbeten lillâhi’l-aliyyi’l-azîm ve taleben li-merzâti rabbi’r-rahîm mülkümden i‘tâk eyledim ba‘de’l-yevm sâir ahrâr gibi hür olsun üzerinde hakk-ı velâdan gayrı hakkım yokdur deyu ikrârı kayd-ı sicil olup mu‘tak-ı mezkûr Murtaza talebiyle sûreti ketb olunup yedine i‘tâ olundu. Hurrire fî evâili Saferi’l-hayr li-sene seb‘a ve sittîn ve elf. Şühûdü’l-hâl: Ramazan Beşe serdâr-ı yeniçeriyân, Mehmed Çelebi b. Mustafa, Mehmed Çelebi b. ( ), Hüseyin Çelebi b. Mustafa, Yusuf ser-muhzırân-ı Trapoliçe ve gayruhüm mine’l-hâzırîn.