Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 728 Hüküm no: 804 Orijinal metin no: [124a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yava cizyeden Ebubekir Ağa’nın yava cizyesi talep ettiği ve Kurt Terko’nun cizye defterine kayıtlı olmadığını beyanı Mahmiye-i Edirne’de bin altmış dokuz senesinde mahsûb olmak üzere yava cizyesi cem‘ine me’mûr olan Ebûbekir Ağa b. Receb nâm kimesne meclis-i şer‘de yava olan Kurd Terko nâm zimmî muvâcehesinde üzerine da‘vâ ve takrîr-i kelâm edip mezbûr Kurd Terko’dan yava cizyesi taleb eylediğimde benim ismim Kurd Terko değil Praşo’dur ve ben mahmiye-i mezbûrede Pavlikan mahallesinde muharriru’l-vilâye[nin] tahrîr eylediği cizye defterine kayd olmuşum deyu ismini tebdîl ve cizyesin vermede te‘allül eder suâl olunup takrîri tahrîr olunmak matlûbumdur dedikde gıbbe’s-suâl mezbûr Kurd Terko cevâbında fi’l-vâki‘ benim ismim Kurd Terko’dur Praşo değildir ve ben mahalle-i mezbûrede muharriru’l-vilâye[nin] tahrîr eylediği cizye defterine kayd olmuş değilim dedikde vâki‘ hâl hıfzan li’l-mekāl bi’t-taleb ketb olundu. Fi’l-yevmi’s-sâlis min-Zilhicceti’ş-şerîfe li-sene semân ve sittîn ve elf. Şühûdü’l-hâl: Mehmed b. Mustafa, İsmail b. Muharrem, Arslan, Bayram b. Ahmed ve gayruhüm mine’l-hâzırîn.