Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 731 Hüküm no: 809 Orijinal metin no: [125b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rizo v. Niko ve Yani v. Temir’in Hacı Mehmed Çelebi b. Hasan’a on sekiz bin akçe borçları olduğunu ikrar ettikleri Medîne-i Galata muzâfâtından kasaba-i İstinye’de sâkin olup hâlâ mahrûse-i Edirne’de müsâfir olan Rizo v. Niko ve Yani v. Temir nâm zimmîler meclis-i şer‘-i hatîr-i lâzimü’t-tevkīrde işbu sâhibü’l-kitâb el-Hâc Mehmed Çelebi b. Hasan nâm kimesne muvâcehesinde herbiri ikrâr ve takrîr-i kelâm edip mezbûr el-Hâc Mehmed Çelebi yedinden alâ tarîkı’l-karz on sekiz bin fıddî râyic fi’l-vakt akçe ahz u kabz edip hâlâ meblağ-ı mezbûr zimmetimizde lâzimü’l-edâ ve vâcibü’l-kazâ deynimizdir dediklerinde mukırrân-ı mezbûrânın vech-i muharrer üzere cârî ve sâdır olan ikrârın mezbûr el-Hâc Mehmed Çelebi vicâhen ve şifâhen tasdîk ve tahkīk edicek mâ-vaka‘a bi’t-taleb ketb olundu. Fi’l-hâmis aşer min-Zilhicceti’ş-şerîfe li-sene semân ve sittîn ve elf. Şühûdü’l-hâl: Halil Çelebi, Hüseyin Çelebi b. ( ), el-Hâc Mehmed Çelebi, İsa Bey, Osman Bey.