Bab Mahkemesi 54 Numaralı Sicil (H. 1102 / M. 1691) cilt: 20, sayfa: 309 Hüküm no: 368 Orijinal metin no: [63a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Mahmud b. Abdullah üzerine kızı Fâtıma için nafaka takdiri Mahmiye-i İstanbul’da ( ) mahallesi sâkinelerinden Ümmügülsüm bt. Mehmed nâm hâtun ba‘de’t-ta‘rîfi’ş-şer‘î meclis-i şer‘-i enverde, zevc-i mutallıkı bâ‘isü’l-kitâb el-Hâc Mahmud b. Abdullah mahzarında ikrâr ve takrîr-i kelâm edip, zevcim mezbûr el-Hâc Mahmud’un firâşından hâsıl ve benden mütevellide sadriye sagīre kızı Fâtıma’nın babası mezbûr el-Hâc Mahmud üzerine kıbel-i şer‘den kadr-i ma‘rûf nafaka farz ve takdîr olunması matlûbumdur dedikde, hâkim-i muvakki‘-i sadr-ı kitâb -tûbâ lehû ve hüsnü me’âb- hazretleri dahi mezbûr el-Hâc Mahmud ma‘rifetiyle bi’t-terâzî târih-i kitâbdan beher yevm beş akçe ve takdîr edip, meblağ-ı mefrûz-ı mezbûru sagīre-i mezbûre Fâtıma’nın nafaka ve kisve ve sâir levâzım-ı mühimmesine harc ve sarfa ve lede’l-iktizâ istidâneye ve vakt-i zaferde babası mezbûr el-Hâc Mahmud üzerine rücû‘a mezbûre Ümmügülsüm Hâtun’a izin vermeğin, mâ vaka‘a bi’t-taleb ketb [olundu]. Fi’l-yevmi’l-ışrîn min Cumâdelâhire sene 1102. Şuhûdü’l-hâl: İbrahim b. Ahmed, Mehmed Çelebi, Nasuh b. Abdullah, Ali [b.] Bâli ve gayruhüm.