Bab Mahkemesi 54 Numaralı Sicil (H. 1102 / M. 1691) cilt: 20, sayfa: 309 Hüküm no: 369 Orijinal metin no: [63a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan b. Mustafa’nın, İsmail b. Mehmed’e borcu olması Mahrûse-i Galata’ya tâbi‘ nâhiye-i Kasımpaşa’da ( ) mahallesinde sâkin İsmail b. Mehmed nâm kimesne meclis-i şer‘-i şerîf-i enverde, Hasan b. Mustafa nâm kimesne mahzarında üzerine da‘vâ ve takrîr-i kelâm edip, mezbûr Hasan zimmetinde bundan akdem yedimden iştirâ ve kabz eylediği seksen deste yular semeninden yirmi guruş hakkım olmağla suâl olunup alıverilmesi matlûbumdur dedikde, gıbbe’s-suâl mezbûr Hasan cevâbında, fi’l-hakīka kaziyye minvâl-i muharrer üzre olup müdde‘î-i mezbûra zikr olunan seksen deste yular semeninden meblağ-ı mezbûr yirmi guruş el-ân vâcibü’l-edâ ve lâzımü’l-kazâ zimmetimde deynimdir deyu ikrâr ve i‘tirâf etmeğin, mûcebince meblağ-ı mezbûr yirmi guruşu müdde‘î-i mezbûra edâ ve teslîme mezbûr Hasan’a tenbîh olunmağın, mâ vaka‘a bi’t-taleb ketb. Fi’l-yevmi’l-hâmis min Recebi’l-mürecceb li sene isneteyn ve mi’e ve elf. Şuhûdü’l-hâl: İbrahim Çelebi b. Ahmed, Diğer İbrahim Çelebi b. Mehmed, Ali b. Bâli, Diğer Ali b. Nazif, Yahya Çelebi b. Ahmed.