Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 734 Hüküm no: 812 Orijinal metin no: [126a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hâkimin küçük kıza nafaka takdir ettiği Hâkim-i muvakkı‘ a‘lâ hâze’l-kitâb bi-tevkī‘ihi’l-müstetâb, Afîfe bt. Mehmed nâm sagīrenin nafakası, kisvesi ve sâir havâic-i zarûriyesi için mezbûr babası üzerine, mahrûse-i Edirne mahallâtından Kamran Ağa mahallesinde sâkine, mezbûr Mehmed nâm zevcinden mutallaka Âişe bt. Ahmed nâm annesi ve hâdinesinin talebiyle zeyilde mezbûr tarihden itibaren yevmî on akçe farz ve takdîr etti. Hâkim meblağ-ı mefrûz-i mezbûru sagīre-i merkūmenin havâicine sarf etmeye ve vakt-i hâcetde istidâne edip vakt-i zaferde mezbûr Mehmed’e rücû‘ etmeye mezkûre Âişe’ye izin verdi. Cerâ zâlike ve hurrire fi’l-yevmi’r-râbi‘ aşere min-Zilhicceti’ş-şerîfe li-sene semân ve sittîn ve elf. Şühûdü’l-hâl: Ca‘fer Efendi b. ( ), Ramazan Çelebi b. ( ), Kasım Çelebi, Hasan Çelebi, Mehmed Efendi b. ( ), Ali Bey b. ( ), Hasan Bey b. ( )