Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 740 Hüküm no: 822 Orijinal metin no: [128b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Ruşen’in Edirne’deki Saraçhane’nin vakıf parasından aldığı dokuz yüz akçe borcunu ödediği Mahmiye-i Edirne’de vâki‘ sarachânenin nukūd-ı mevkūfesine bi’l-fi‘il mütevellî olan el-Hâc Hüseyin b. ( ) nâm kimesne meclis-i şer‘de işbu sâhibü’l-kitâb Mehmed b. Ruşen nâm kimesne mahzarında ikrâr-ı tâm ve takrîr-i kelâm edip mezbûr Mehmed’in mâl-ı vakf-ı mezbûra deyni olan dokuz yüz cedîd akçeyi tevliyetim hasebiyle yedinden bi’t-tamâm ve’l-kemâl ahz u kabz eyledim dedikde mukırr-ı mezbûrun vech-i muharrer üzere cârî ve sâdır olan ikrârını mezkûr Mehmed bi’l-müvâcehe tasdîk ve bi’l-müşâfehe tahkīk edicek mâ-vaka‘a bi’t-taleb ketb olundu. Fi’l-yevmi’l-hâmis aşer min-Zilhicceti’ş-şerîfe li-sene semân ve sittîn ve elf. Şühûdü’l-hâl: Mehmed b. Mustafa, İsmail b. Hürrem, Arslan, Bayram Beşe çukadâr, İsa Bey b. Ahmed.