Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 742 Hüküm no: 826 Orijinal metin no: [129a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Ağa b. Ali’nin ağılından atını çaldığı iddiasıyla Piri b. Hüseyin aleyhine açtığı davada iddiasını ispat edemediği Edirne’de Karaağaç mahallesinde sâkin Dergâh-ı âlî kapıcıbaşılarından iftihârü’l-emâcid ve’l-ekârim câmi‘u’l-mehâmid ve’l-mekârim Hüseyin Ağa b. Ali meclis-i şer‘de Pîrî b. Hüseyin mahzarında üzerine da‘vâ ve takrîr-i kelâm edip merkūm Pîrî târih-i kitâbdan on beş gün mukaddem medîne-i merkūmeye tâbi‘ Eyne nâm karyede vâki‘ ağılımdan bir re’s siyah bârgirimi gasb etmişdir [129b] suâl olunup alıverilmek matlûbumdur dedikde gıbbe’s-suâl ve’l-inkâr müdde‘î-i mezbûrdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin vech-i muharrer üzere karye-i merkūmede vâki‘ müdde‘î-i merkūmun ağılından bir re’s siyah bârgirini gasb etmediğine yemîn [billâhi] te‘âlâ etmeğin mu‘ârazadan men‘ birle mâ-vaka‘a bi’t-taleb sebt olundu. Fi’l-ışrîn min-Zilhicceti’ş-şerîfe li-sene semân ve sittîn ve elf. Şühûdü’l-hâl: Ahmed b. Hasan, Ali b. Mehmed, Hasan b. ( ), Yusuf b. Muharrem.