Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 745 Hüküm no: 831 Orijinal metin no: [130b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Namahremleriyle oturup kalkan Fatma bt. Mehmed’in oturduğu mahalleden çıkarıldığı Edirne’de Derviş Ali mahallesi imâmı Mehmed Efendi b. Rıdvan ve mahalle-i merkūmeden İsmail b. Bayram ve sâir ahâlî-i mahalle-i merkūme meclis-i şer‘de mahalle-i merkūmede sâkine olup hâzıratü bi’l-meclis Fâtıma bt. Mehmed nâm hâtun mahzarında herbiri da‘vâ ve takrîr-i kelâm edip mezbûre Fâtıma kendiye nâ-mahremden perhîzi olmayıp mülâ‘abe ve mülâtafe edip fesâddan hâlî olmamağla mahallemizden ihrâc olunmak taleb ederiz dediklerinde mezbûre dahi zikrolunan mahallede sâkin olduğu menzilden çıkıp âhar mahallede sâkine olmak üzere teb‘îd edildi mâ-vaka‘a bi’t-taleb sebt olundu. Fî gurreti Muharremi’l-harâm [li-sene tis‘a ve sittîn ve elf.] Şühûdü’l-hâl: Mehmed Çelebi b. Hasan, Ahmed Çelebi b. Ahmed, Ömer Çelebi b. İsa, Bayram Beşe.