Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 746 Hüküm no: 832 Orijinal metin no: [130b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manol v. Koloni’nin kiraya verdiği evin birikmiş kira ücreti ile bazı eşyalarını vermediği iddiasıyla Abdurrahman b. Mustafa Efendi aleyhine açtığı davada iddiasını ispat edemediği Molova kasabası ahâlîsinden Manol v. Koloni meclis-i şer‘de Abdurrahman b. Mustafa Efendi mahzarında üzerine da‘vâ ve takrîr-i kelâm edip kasaba-i merkūmede vâki‘ mülk menzilimi beher yevm birer akçeye olmak üzere bir sene tamâmına değin îcâr ol dahi istîcâr ve kabûl eyleyip hâlâ zimmetinde müctemi‘ olan üç yüz altmış akçemi ve yüz dirhem bir sîm tas ve altmış guruş kıymetli bir altın kağımı? ahz u kabz edip eşyâ-i merkūme ile meblağ-ı mezbûru taleb ederim dedikde gıbbe’s-suâl ve’l-inkâr müdde‘î-i merkūmdan müdde‘âsını mübeyyine beyyine taleb olundukda ityân-ı beyyineden izhâr-ı acz edip istihlâf etmeğin vech-i muharrer üzere menzil-i merkūmu beher [yevm] birer akçeye sene tamâmına [değin] istîcâr ve yüz dirhem bir sîm tas ve bir çift altın kağı? ahz etmediğine yemîn etmeğin bî-vech mu‘ârazadan men‘ birle mâ-vaka‘a bi’t-taleb ketb olundu. Şühûdü’l-hâl: Ahmed b. Hasan, Ali b. Veli, Ömer b. Ahmed, Hüseyin b. Hasan, Bayram Çelebi.