Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 746 Hüküm no: 833 Orijinal metin no: [130b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Mustafa b. Ali’nin karısı Ayşe Hatun’dan üç bin akçe alacağı olduğu Mahmiye-i Edirne’de Durgud (Turgud) mahallesinde sâkin olan el-Hâc Mustafa b. Ali nâm kimesne meclis-i şer‘de zevce-i menkûhası Âişe Hâtun mahzarında da‘vâ eder ki merkūme Âişe’nin zimmetinde cihet-i karz-ı şer‘îden üç bin akçe hakkım olup meblağ-ı mezbûru taleb ederim gıbbe’s-suâl cevâbında fi’l-vâki‘ zevcim mezbûr Mustafa’ya cihet-i karz-ı şer‘îden üç bin akçe deynim vardır deyu i‘tirâf etmeğin mûcibiyle hüküm birle mâ-vaka‘a bi’t-taleb sebt olundu. Fî gurreti’l-Muharremi’l-harâm [li-sene tis‘a ve sittîn ve elf.] Şühûdü’l-hâl: Ahmed Çelebi b. Hasan, Mehmed Çelebi b. Hasan, Derviş Çelebi b. Hüseyin.