Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 753 Hüküm no: 844 Orijinal metin no: [133a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Feride Hatun Vakfı’na ait Kâtib-i cev mahallesindeki menzilin Hasan Aşkî Efendi’ye tahsisi Mahmiye-i Edirne’de Kâtib-i cev mahallesinde vâki‘ merhûme Feride Hâtun nâm sâhibetü’l-hayr vakfı ve süknâsını rûhi’çün beher yevm üç İhlâs-ı şerîf ve bir Fâtiha tilâvet etmek üzere ulemâya şart ve ta‘yîn eylediği bir tarafdan Müezzin Kara Mehmed mülkü ve iki tarafdan Sâkine Hâtun mülkü ve bir tarafdan tarîk-ı âm ile mahdûd bir tahtânî odayı ve sofayı müştemil olan menzil mahlûl olduğu mukarrer olmağla işbu sâhibü’l-kitâb ümdetü’l-müderrisîni’l-kirâm zübdetü’l-muhakkıkīni’l-fihâm Hasan Aşkī Efendi süknâya eşedd-i ihtiyâc ile muhtâc olmağın menzil-i mezkûr mûmâ-ileyh Hasan Efendi’ye ber-mûceb-i şart-ı vâkıf tevcîh olunup tasarrufi’çün bu vesîka ketb olundu. Fî gurreti Muharremi’l-harâm li-sene tis‘a ve sittîn ve elf. Şühûdü’l-hâl: Mehmed Efendi Nurizâde, Kutb[eddin] İsmail Efendi, Bayram Beşe çukadâr, İsa Bey b. Ahmed.