Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 757 Hüküm no: 851 Orijinal metin no: [134b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi v. Baratil’in haksız yere bir çift öküzünü aldığı için aleyhine dava açtığı Sefer b. Kenan’ın zimmetini ibra ettiği Edirne kazâsı muzâfâtından Üsküdar nâm karyede sâkin Yorgi v. Baratil nâm zimmî meclis-i şer‘de Sefer b. Kenan mahzarında ikrâr ve i‘tirâf edip mezbûr Sefer târih-i kitâbdan bir buçuk sene mukaddem bir çift karasığır öküzümü bi-gayri vech-i şer‘î ahz u kabz etmekle hâlâ yedinden ahz eylediği karasığır öküzünün birini ahz ve birinin dahi takvîm-i sahîh ile takvîm olunan altı yüz akçe kıymetini yedinden ahz u kabz edip zikrolunan bir çift kara[sığır] [135a] öküzüne müte‘allik da‘vâdan zimmetini ibrâ-i âmm-ı kātı‘u’n-nizâ‘la ibrâ ve ıskāt eyledim dedikde gıbbe’t-tasdîkı’ş-şer‘î mâ-vaka‘a bi’t-taleb ketb olundu. Fi’s-sâmin min-Zilhicceti’ş-şerîfe li-sene semân ve sittîn ve elf. Şühûdü’l-hâl: Ahmed Çelebi b. Mehmed, Mehmed b. Hasan, Hüseyin b. Veliyyüddin, Şemseddin b. ( ).