Rumeli Sadâreti Mahkemesi 106 Numaralı Sicil (H. 1067-1069 / M. 1656-1658) cilt: 50, sayfa: 758 Hüküm no: 853 Orijinal metin no: [135a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ekmekçi Sakar v. Marat’ın dört bin akçe ücretle altı ay süresince hizmet etmek üzere kendisini Hacı Mustafa’ya kiraya verdiği Etmekçi tâifesinden Sakar v. Marat nâm zimmî ordu-yı hümâyûnda meclis-i şer‘de el-Hâc Mustafa nâm kimesne mahzarında ikrâr ve takrîr-i kelâm edip mezbûr el-Hâc Mustafa’ya hizmet etmek üzere târih-i kitâbdan yüz seksen gün tamâmına değin dört bin üç yüz akçeye nefsimi îcâr edip ol dahi vech-i muharrer üzere istîcâr ve kabûl eyledi dedikde mukırr-ı mezbûrun vech-i meşrûh üzere cârî ve sâdır olan ikrârını merkūm el-Hâc Mustafa vicâhen ve şifâhen tasdîk ve tahkīk edicek mâ-vaka‘a bi’t-taleb ketb olundu. Hurrire fi’l-ışrîn mine’l-Muharremi’l-harâm li-sene tis‘a ve sittîn ve elf. Şühûdü’l-hâl: Mehmed b. Ahmed, İsmail b. Hürrem, Süleyman Çelebi, Mehmed Bey, Ahmed Efendi, Hüseyin Çelebi, Muharrem Çelebi, Ali Çelebi b. Haydar.